Angelika dela Cruz, mommy na!

Angelika dela Cruz

Mommy na si Angelika dela Cruz. Kapapanganak lang ni Angelika noong Byernes, ika 20 ng Marso via caesarian section. Isang malusog na batang lalaki na may bigat 6.21 pounds ang unang anak nina Angelika at ng asawa nitong si Orion Casareo. Masayang masaya si Angelika dela Cruz at ang asawa nito.

"Cute, mestizo. Halo kami ni Orion [sa hitsura], pero mas kamukha niya. Super puti, ang cute-cute!"

Ito ang naging pahayag ng bagong ina nang tanungin tungkol sa bago niyang baby.

Matatandaang tatlong buwan matapos ang kasal nila ng asawang si Orion sa huwes nang malaman ni Angelika dela Cruz na buntis siya. Nataon rin na nasa kalagitnaan iyon ng Sine Novela ng GMA-7 na Una Kang Naging Akin kung saan gumanap din si Angelika. Tuloy daw ang nakaplano na nilang kasal sa simbahan sa darating na December 4.